Туркия президенти Режеп Таййип Эрдўғаннинг баёнотига қараганда, НАТО Украина масаласига етарлича қатъийлик кўрсата олмади, ғарбнинг Украинага муносабати дўстона ҳам эмас.

“Ғарб, Евроиттифоқ ва НАТО Украинага фақат маслаҳат берди. Ғарбнинг Украинага муносабатини на дўстлик, на бирдамлик деб бўлади”, деди президент Истанбулда журналистларга. 

Унинг чиқишини NTV канали трансляция қилган. Эрдўғаннинг айтишича, фақат  маслаҳат бериш билангина иш битмайди. “Европа нима беради, қуруқ гап! Бу билан бирон бир ҳолатни ўзгартириш мушкул”, деди Туркия раҳбари.