Turkiya janubida 80 ga yaqin aholi punkti o‘rmon yong‘inlaridan ziyon ko‘rgan
Turkiyaning janubida yuz bergan o‘rmon yong‘inlari beshta viloyatda 78 ta aholi punktiga zarar keltirdi, deb bayonot berdi mamlakat qishloq va o‘rmon xo‘jaligi vaziri Bekir Pakdemirli.
"Yong‘inlar tufayli 2 ming 219 ta fermer ziyon ko‘rgan. Albatta, zararlar qoplanadi", - dedi Pakdemirli jurnalistlarga.
Uning ma’lum qilishicha, yong‘inlarni o‘chirishda 16 samolyot, to‘qqizta uchuvchisiz boshqariladigan dronlar, 51 ta vertolyot, 960 ta yong‘in o‘chiruvchi mashina va taxminan 5,2 ming kishi ishtirok etmoqda.