Turkiya havo yo‘llari O‘zbekistonga parvozlar sonini oshirdi
2022 yil 9 maydan boshlab Istanbul – Toshkent yo‘nalishidagi reyslar soni haftasiga 17 taga yetkaziladi. Samarqand, Urganch va Farg‘onaga hamda O‘zbekistonning boshqa shaharlariga parvozlar chastotasi ham oshirilishi ma’lum bo‘ldi.
10 maydan boshlab Istanbul – Samarqand reyslari haftasiga to‘rttaga, Istanbul – Farg‘ona reyslari esa ikkitadan uchtaga oshiriladi. Istanbul – Urganch qatnovlari 16 maydan boshlab haftada 2 marta amalga oshiriladi.