Туркия президенти Ражаб Тоййиб Эрдоған дунёдаги энг йирикларидан бири бўладиган янги 300 метрлик авиаташувчи кема қурилиши бошланганини эълон қилди.

Таъкидланишича, янги авиаташувчи ўлканинг денгиздаги қудратини мустаҳкамлаш ва йирик денгиз кучига айланиш истагини рамзий маънода ифодалайди. 

Лойиҳа 50 тагача самолёт ва 800 кишилик экипажни сиғдира оладиган қилиб мўлжалланган. 

У Туркия мудофаа тарихида фақат вертолётлар ва дронларни қўндира оладиган “TCG Anadolu”дан кейинги энг йирик кема ҳисобланади, дея қайд этади “Türkiye Gazetesi” нашри.

С.Раҳимов, ЎзА