Зарбдор дронлари билан танилган Туркиянинг “Baykar”мудофаа компанияси кичик модулли реактор (КМР) ишлаб чиқиш билан ядро энергияси секторига киришга тайёргарлик кўрмоқда, деб ёзди “Daily Sabah” нашри.

Таъкидланишича, компания 100 мингдан ортиқ хонадонларни электр энергияси билан таъминлашга қодир 40 мегаваттли реактор устида ишламоқда. Келгуси йилларда мамлакат ўзининг ядровий қувватини сезиларли даражада кенгайтиришни режалаштирмоқда ва 2035 йилга келиб 7,2 ГВт га етказишни мақсад қилган. 

“Baykar” лойиҳаси ўлканинг 5 ГВт КМР қувватини ривожлантириш стратегиясининг асосий элементи бўлиб, Туркия электр энергиясига бўлган эҳтиёжининг тахминан 10 фоизини қоплайди. 

С.Раҳимов, ЎзА