Turkiya Prezidenti Rejep Tayyip Erdog‘an Istanbulda Qandilli Ilmiy, texnologik va tadqiqot markazining ochilishida ishtirok etib, mamlakat shifokorlari 2023 yil bir yarim million chet ellikni davolash niyatida ekanini aytdi.

Bundan keladigan daromad 10 milliard dollarni tashkil etadi. 

“Anadolu” axborot agentligi shu haqda xabar bergan.

- Tibbiyot turizmi Turkiya sayyohligi rivojida eng ustuvor yo‘nalishlardan hisoblanadi, - ta’kidladi davlat rahbari.  Pandemiya davri milliy manfaat yo‘lida tibbiyot sohasi, ba’zan, mudofaa sanoatidan ham ustun ekanini ko‘rsatdi.

Turkiya keyingi yillarda mahalliy farmatsevtika va tibbiyot sanoatini rivojlantirishga jiddiy ahamiyat qaratmoqda.

                                       O‘zA