Туркий тилли давлатлар ўртасида юк ташув ҳолати муҳокама қилинди
Туркий тилли давлатлар ҳамкорлик кенгашига аъзо мамлакатлар транспорт вазирлари видеоконференцалоқа шаклида йиғилиш ўтказди
Туркий тилли давлатлар ҳамкорлик кенгашига аъзо мамлакатлар транспорт вазирлари видеоконференцалоқа шаклида йиғилиш ўтказди
Бу ҳақда Ўзбекистон Республикаси Транспорт вазирлиги Ахборот хизмати хабарига кўра, йиғилишда Венгрия транспорт вазири ҳам қатнашган.
Томонлар COVID-19 пандемияси туфайли жорий этилган турли чеклов чоралари шароитида мамлакатларимиз ўртасидаги транспорт қатновларининг жорий ҳолатини муҳокама қилди.
Озиқ-овқат, дори-дармон, тиббиёт асбоб-ускуналари ва бошқа ҳаёт учун зарур товарларнинг тўсиқсиз ҳаракатланишини таъминлаш, пандемия шароитида Транскаспий йўлаги орқали маҳсулотлар узлуксиз етказиб берилишини таъминлаш масаласи муҳокама қилинди.