Түркияның «Turkish Airlines» әуе компаниясы Ыстамбұлдан Үргеніш пен Ферғанаға тұрақты рейстерді орындауға рұқсат алды.

Көлік министрлігі жанындағы «Узавиация» агенттігі 2021 жылы 15 сәуірде Түрік әуе компаниясына Өзбекстанға Ыстамбұл-Ургеніш-Ыстамбұл және Ыстамбұл-Ферғана-Ыстамбұл бағыттары бойынша тұрақты рейстер жасауға рұқсат берген.

Айта кету керек, Turkish Airlines 2006 жылдың 28 қыркүйегінде No 27-K пайдалану лицензиясына ие болған. Қазірде компания Ыстамбұл - Ташкент - Ыстамбұл және Ыстамбұл - Самарқанд - Ыстамбұл бағыттары бойынша тұрақты рейстерді орындап келеді.