Bu haqda O‘zbekiston Respublikasi Prezidentining “O‘zbekiston Respublikasi Turizm qo‘mitasi faoliyatini tashkil etish va turizm sohasini jadal rivojlantirish chora-tadbirlari to‘g‘risida”gi qarorida keltirilgan.

Sohada davlat boshqaruvini takomillashtirish uchun, O‘zbekiston Respublikasi Turizm qo‘mitasi faoliyatining asosiy yo‘nalishlari, tashkiliy tuzilmasi belgilandi.

Hujjatga ko‘ra, qo‘mita turizm sohasini tartibga solish va rivojlantirish bo‘yicha davlat siyosatini amalga oshiruvchi respublika ijro etuvchi hokimiyat organi hisoblanadi.  

Qo‘mita Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasining huquq va majburiyatlari bo‘yicha vorisi hisoblanadi.

O‘zA