Туниснинг Олий мустақил сайлов комиссияси янги конституция бўйича бўлиб ўтган референдум натижасини тасдиқлади, деб баёнот берди комиссия раиси Фарук Буаскар.

Овоз бериш душанба куни референдум ўтказишни таклиф қилган  президент тарафдорлари билан мухолифатчилар ўртасида кескин қарама-қаршиликлар шароитида бўлиб ўтди. Ҳатто, мухолифатдагиларнинг бир қисми ўз тарафдорларини референдумни бойкот қилишга чақирди. Сайлов комиссиясининг маълумотларига кўра, янги конституция лойиҳасини овоз беришда қатнашганларнинг 94,6 фоизи қўллаб-қувватлаган, лекин сайловчиларнинг атиги 27 фоизи ушбу сиёсий тадбирда иштирок этгани ҳақида айтилмоқда.

Конституцияга ўзгартиш киритиш давлат раҳбарига янада кенгроқ ваколатларни беради.