Тошкент вилояти Янгийўл туманида навбатдаги экорейд назорат тадбирлари бўлиб ўтди. Мазкур назорат тадбирлари туманнинг "Олмазор" ва "Ифтихор" маҳалла фуқаролар йиғини ҳудудларида олиб борилди.

Хусусан, "Олмазор" маҳалла фуқаролар йиғини ҳудудида Муҳиддин Тоҳиров  томонидан ташкил қилинган иссиқхона фаолияти ўрганилганда ундаги иссиқхона иситиш қозонига фильтр ўрнатилгани ва иш фаолиятида экани, техник талабларга жавоб бериши аниқланди.  

Шунингдек, туманнинг "Ифтихор" маҳалла фуқаролар йиғини ҳудудида олиб борилган рейд давомида  Абдукамол Шермуҳаммадов  томонидан ташкил қилинган иссиқхона фаолияти ҳам ўрганилганда  ундаги мавжуд иситиш печи ва унга ўрнатилган тозалаш фильтрининг ҳам соз ҳолатдалиги ҳамда экологик талабларга жавоб бериши маълум бўлди.

Ушбу тадбирлар давомида мутасаддилар томонидан иссиқхона эгалари ва фуқароларга экологик талабларга риоя этиш ва иссиқхона фаолиятида қонун талабларига амал қилиш бўйича тушунтириш ишлари олиб борилиб, тегишли кўрсатмалар берилди.

<iframe width="650" height="420" src="https://www.youtube.com/embed/AGw5GN41FT4" title="Tungi reyd: Yangiyo‘lda navbatdagi ekoreyd o‘tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳамроз Баянов, ЎзА