Тошкент вилоятида атмосфера ҳавосига зарарли ташламалар чиқараётган манбаларни аниқлаш ҳамда уларнинг фаолиятини тартибга солиш мақсадида тунги рейд тадбирлари ўтказилмоқда.

Мазкур рейд тадбирида Президент Администрацияси вакиллари, Экология ва иқлим ўзгариши миллий қўмитаси, Ўзбекистон техник жиҳатдан тартибга солиш агентлиги, Давлат экологик назорат инспекцияси мутахассислари, туман прокуратураси ва ички ишлар органлари вакиллари ҳамда ишчи гуруҳ аъзолари иштирок этди.

Тунги рейд тадбирлари доирасида Тошкент вилоятининг Тошкент ва Қибрай туманларидаги иссиқхоналарда олиб борилаётган ишлаб чиқариш жараёнлари ўрганилди.  

Текширувлар натижасида айрим иссиқхоналарда иситиш тизимида стандартларга мос келмайдиган қўлбола қозонлардан фойдаланилаётгани, қозонхоналарда фильтрлаш ускуналари ўрнатилмагани ҳамда экологик талаблар бузилаётгани аниқланди.

<iframe width="640" height="420" src="https://www.youtube.com/embed/hzuXcHGXg5g" title="Tungi ekoreyd: standartlarga mos kelmaydigan qo‘lbola qozonlardan foydalanish holatlari aniqlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳамроз Баянов,

О.Давронов (видео), У.Тўхтаев (монтаж), ЎзА