Экологик муҳитни янада яхшилаш ва ҳаво ифлосланишининг олдини олиш мақсадида Тошкент вилоятида назорат тадбирлари давом этмоқда. Тунги рейдлар чоғида бир қатор иссиқхоналарда қўлланилаётган тозалаш ускуналарида жиддий камчиликлар борлиги маълум бўлди.

Тошкент туманидаги Оқибат маҳалласида жойлашган иссиқхоналардан бирида фильтр тизими техник талабларга жавоб бермаслиги аниқланди. Мазкур қонунбузарлик бўйича туман Экология бошқармаси мутахассислари томонидан иссиқхона эгасига расмий огоҳлантириш берилди.

Яна бир ҳолатда, туманнинг Ҳасанбой маҳалласидаги иссиқхоналардан бирида фильтр умуман ўрнатилмагани қайд этилди. Иссиқхона эгаси олдин ҳам текширув ўтказилгани, огоҳлантириш берилгани ва ҳозирда иситиш печи таъмирлангани, фильтр ўрнатиш ишлари эса энди бошланганини маълум қилди.

Мутасаддиларга кўра, бундай камчиликлар ҳаво сифатини янада ёмонлаштириши мумкин. Шу боис рейдлар мунтазам давом этмоқда ва ҳар бир аниқланган ҳолат бўйича қонуний чоралар кўрилмоқда.

<iframe width="650" height="420" src="https://www.youtube.com/embed/ZMNrN3S-5s4" title="Tungi ekoreyd: Issiqxonalarda nosoz filtrlar aniqlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳамроз Баянов, ЎзА