Тошкент вилояти Зангиота туманида навбатдаги экологик рейд тадбирлари ўтказилди. Рейд давомида туман ҳудудида фаолият юритаётган бир қатор иссиқхоналарнинг ҳолати атрофлича ўрганилди.

Хусусан, “Бўстон” маҳалла фуқаролар йиғини ҳудудида жойлашган иссиқхоналардан бирида ўтказилган назорат тадбирида иситиш печи ҳамда унга ўрнатилган тозалаш фильтри техник жиҳатдан соз ҳолатда экани, шунингдек, амалдаги экологик талабларга тўлиқ жавоб бериши аниқланди.

Шу билан бирга, айни маҳалла ҳудудидаги бошқа бир иссиқхонада ўтказилган рейд давомида иситиш печига ўрнатилган тозалаш фильтри носоз ҳолатда экани ва экологик меъёрларга мос келмаслиги маълум бўлди.

Аниқланган қонунбузарлик ҳолати юзасидан экология ходимлари томонидан белгиланган тартибда маъмурий баённома расмийлаштирилиб, иссиқхона масъул шахсларига нисбатан жарима жазоси қўлланилди.

<iframe width="640" height="420" src="https://www.youtube.com/embed/tQH4fjmXV18" title="Tungi ekologik reyd: nosoz tozalash filtrlari aniqlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳамроз Баянов, ЎзА