Пайариқ туманида бир қатор ижтимоий соҳа объектлари фойдаланишга топширилди.

Марказдан 60-70 км. узоқликда жойлашган “Накурт” маҳалласида қуриб битказилган “Бошмоқ” оилавий шифокорлик пункти шулар жумласидандир.

Қишлоқ аҳли бирдамлиги ортидан “Ташаббусли бюджет” лойиҳасининг 2022 йил иккинчи мавсумида ғолиб деб топилди. 

Янги ва замонавий тиббиёт масканининг очилиш маросимида туман ҳокими И.Жабборов, вилоят соғлиқни сақлаш бошқармаси бошлиғи С.Зайниев, 2-сектор раҳбари Ф.Эгамқулов ва жамоатчилик вакиллари иштирок этди. Юртимизда амалга оширилаётган ислоҳотлар, аввало, халқ манфаати, уларни бугунидан рози қилиш эканлиги алоҳида таъкидлади.

Тадбирда иштирок этган маҳалла оқсоқоллари бундан жуда ҳам мамнун эканлигини билдириб, дуога қўл очди.  

М. Қосимова, ЎзА