Өзбекстан – Түркіменстан саммиті аяқталды.

Президенттер Шавкат Мирзиёев пен Сердар Бердімұхамедов шағын және кеңейтілген құрамда келіссөздер жүргізіп, Өзбекстан – Түркіменстан арасындағы достық, тату көршілік және стратегиялық серіктестікті одан әрі кеңейтудің өзекті мәселелерін талқылады.

Мемлекет басшыларының қатысуымен «Шават–Ташауыз» бірлескен шекаралық сауда аймағы іске қосылды.

Өзбекстан басшысы Президент Сердар Бердімұхамедовқа «Жоғары Дәрежелі Достық» орденін салтанатты түрде табыс етті.

Президенттер Бірлескен мәлімдемеге қол қойып, бұқаралық ақпарат құралдары өкілдеріне келіссөздер қорытындысы туралы ақпарат берді.

Түркіменстан Президенті Ташкентке сапары аясында Орталық Азия мемлекеттері басшыларының жетінші Консультативтік кездесуіне де қатысты.

Сапар іс-шаралары аяқталғаннан кейін Президент Шавкат Мирзиёев Президент Сердар Бердімұхамедовты «Ташкент–Хумо» халықаралық әуежайында шығарып салды.