Өзбекстан Республикасының Президенті Шавкат Мирзиёевтің шақыруымен Түркіменстан Президенті Сердар Бердімұхамедов мемлекеттік сапармен елімізде болып тұр.

17 қараша күні жоғары мәртебелі мейман Өзбекстан Республикасының Премьер-Министрі Абдулла Ариповтың жетекшілігімен «Жаңа Өзбекстан» саябағына барып, Тәуелсіздік монументіне гүл шоқтарын қойды.

Кешенмен қысқаша танысу барысында Түркіменстан басшысына осы ескерткіштің мазмұны мен сәулеттік шешімдері жөнінде ақпарат берілді.

«Жаңа Өзбекстан» саябағы мен Тәуелсіздік монументі Мемлекет басшысының бастамасымен тәуелсіздігіміздің отыз жылдығына орай салынған. Үш мың жылдан астам уақытқа созылған – туған Отанымыз аумағындағы ұлттық мемлекеттік тарихтың терең тамырлары осы кешенде көрініс тапқан. Монументке назар салған жан халқымыздың айбынды өткенінің көркем бейнесін айқын сезінеді.

Жоғары дәрежелі меймандар мен шетелдік ресми делегациялар елімізге келген сайын осы жерде монументке гүл шоқтарын қою – қалыптасқан игі дәстүр.

Кешенде бейнеленген ғұламалар, ұлы қолбасшылар, әлемге танылған жадид бабаларымыздың өнегелі тұлғаларына ерекше назар аударылды. Ана Отанымыз, ержүрек те еңбекқор, бейбітсүйгіш әрі батыл халқымыздың рухына арнап бой көтерген Тәуелсіздік монументі Түркіменстан Президенті мен делегация мүшелеріне тамаша әсер сыйлады.

Б.ХУДОЙБЕРДИЕВ,

Н.ХАЙДАРОВ (сурет),

ӨзА