Швецияның жаңа премьер-министрі Кристерссон Анкарада Ердоғанмен кездесуінде оның үкіметі «терроризмге және РКК сияқты террористік ұйымдарға қарсы» күресетініне уәде берді.

Швеция конституцияға өзгертулер енгізу арқылы терроризмге қарсы заңдарды күшейтеді. Бұл Скандинавия корольдігінің НАТО-ға кіру шарттарына қатысты дауда Түркияға берген концессиясы болмақ. Швеция парламенті тиісті өзгерістер «терроризммен байланысты топтардың жиналу бостандығын шектеуге» мүмкіндік беретінін мәлімдеген.

Бұл мәселе бойынша дауыс беру 16 қарашада өтеді деп күтілуде. Риксдаг депутаттары қажетті түзетулерді қолдаса, терроризмге қарсы заңнаманың шілде айынан бастап күшіне енген күшейтілген нұсқасы 2023 жылдың 1 қаңтарынан бастап күшіне енеді. Сарапшылардың пікірінше, Швецияда Түркияда тыйым салынған Күрдістан жұмысшы партиясының (РКК) мүшелеріне қарсы іс ашу оңайырақ болады.

Швеция терроризмге қарсы заңнамасын өзгерту арқылы Анкараның негізгі талаптарының бірін және Түркияның Швецияның НАТО-ға мүшелік өтінішін қолдау шешіміне қойған шартын орындауда. Бұған дейін Түркия бұл корольдікті «террорлық баспана» деп атаған болатын.

Швецияның жаңа премьер-министрі Ульф Кристерссон 8 қарашада Түркияға сапары кезінде елінің қылмыс пен терроризммен бұдан да табанды күрес жүргізуге ниетті екенін мәлімдеді.