«Узавиация» агенттігі Түркияның «Ajet» әуе компаниясына Өзбекстанға тұрақты рейстер жасауға рұқсат берді.

Агенттік дерегінше, рұқсатнама Өзбекстан мен Түркия арасындағы әуе қатынасы туралы үкіметаралық келісім негізінде 21 ақпанда берілген.

Әуе компаниясы Анкара-Ташкент-Анкара бағыты бойынша B737-800 ұшағымен рейстерді орындайды.

AJet (бұрынғы AnadoluJet) - штаб-пәтері Анкарада орналасқан Turkish Airlines жобасының әуе компаниясы. 2023 жылдың сәуір айында ол Анкарадан Ташкентке сапарлар орындады.

2023 жылдың ақпан айында Turkish Airlines AnadoluJet-ті AJet әуе көлігі акционерлік қоғамы атауымен тәуелсіз әуе компаниясына айналдырды.