Түркияның солтүстік-батысында орналасқан тау-шаңғы курортындағы қонақ үйде үлкен өрт шықты.

«Анадолу» ақпарат агенттігінің хабарлауынша, өрт салдарынан кемінде 10 адам қаза тауып, 32 адам түрлі жарақаттармен ауруханаға жатқызылған.

Түркияның ішкі істер министрі Әли Ерликя өрттің түнгі уақытта қонақ үйдің мейрамханасында қауіпсіздік ережелерінің бұзылуынан болуы мүмкін екенін мәлімдеді.

Алғашқы мәліметтер бойынша, өртеніп жатқан ғимараттан шыққан екі азамат алған жарақаттарынан көз жұмған. Бұл туралы облыс губернаторы Абдулазиз Айдын жергілікті БАҚ-қа берген сұхбатында айтқан.

Жауапты тұлғалардың айтуынша, оқиға орнына жедел түрде 30 өрт сөндіруші мен 28 жедел жәрдем көлігі жіберілген. Өрттің себебі әзірге ресми түрде хабарланбаған.