Түркияда өткен президенттік және парламенттік сайлауда берілген дауыстарды санау процесі жалғасуда.

«TRT» телеарнасының жергілікті уақыт бойынша таңғы сағат 07:00-де хабарлаынша, сайлау жәшіктерінің 98,55 пайызы ашылып, бюллетеньдер саналған кезде қазіргі президент Режеп Тайып Ердоғанның 49,33 пайыз, оппозиция жетекшісі Кемал Киличдороглу 45 пайыз, оппозицияның тағы бір өкілі Синан Оган 5,23 пайыз дауыс жинағаны белгілі болды. 

Президенттікке кандидат сайлауда жеңіске жету үшін 50 пайыздан астам дауыс жинауы керек.

Хабарламада айтылуынша, жеңімпаз шетелдегі сайлау учаскелерінде тіркелген дауыстар толық есептелгеннен кейін белгілі болады.

Бірінші турда ешбір кандидат жеткілікті дауыс жинай алмаса, екінші тур 28 мамырда өтеді.