1 желтоқсанда Түркияның солтүстік-батысындағы Бурса провинциясында бір моторлы жаттығу ұшағы апатқа ұшырап, 2 адам қаза тапты.

«Ihlas» агенттігінің хабарлауынша, ұшақ Енишехирдегі Юнусели әуежайынан көтерілгеннен кейін Бурсаның Османгази ауданындағы аралас циклді газ турбиналы электр станциясының маңында құлаған.

Апат салдарынан ұшқыш пен борттағы тағы бір адам қаза тапқан. Оқиға орнына өрт сөндіру және медициналық бригадалар, сондай-ақ полицейлер жіберілген.

Қазіргі уақытта апаттың себебі анықталуда.