Түркия билігі медициналық мекемелерді қоспағанда, міндетті түрде бетперде тағудан бас тартты.

«Енді медициналық мекемелерден басқа жерде маска тағу мәжбүрлі емес. Дегенмен, бізде бар тәжірибеден кейін біз оларды өзімізбен бірге алып, қажетінше жабық қоғамдық орындарда, әсіресе қоғамдық көліктерде пайдалана аламыз», - деп жазды елдің Денсаулық сақтау министрлігінің басшысы Фахреттин Кожа әлеуметтік желіде.

Кожаның айтуынша, бұл шешім елдегі коронавирустық инфекциялар, атап айтқанда жаңа штаммдар санының күрт төмендеуі аясында қабылданған. Соңғы үш күнде жұқтырғандар саны мыңнан аспады.

Өз кезегінде Turkish Airlines компаниясы да дүйсенбіден бастап ұшақтарда бетперде талабын жойған. Тасымалдаушының бас директоры Билал Экчи бетперде режимі ішкі рейстерде жұмыс істемейтінін, ал халықаралық талаптар екінші елге байланысты әр түрлі болуы мүмкін екенін мәлімдеген.