Түркияның «Конакли» ауылды мекенінен Анталия әуежайына ресейлік туристерді алып бара жатқан автобус апатқа ұшырап, төрт турист қаза тапты.

Түрік ақпарат құралдары автобустың бетон қоршауға соғылып, аударылып қалғанын хабарлады. «Интурист» туроператорының мәліметінше, автобуста 22 ресейлік турист болған, оның ішінде тоғыз бала. Туристер Самараға кешкі рейспен ұшып кетуі керек еді.

Соңғы мәліметтер бойынша төрт адам қаза тауып, тағы 16 адам жарақат алған.