Өзбекстан Республикасының Президенті Шавкат Мирзиёев 24 шілде күні Түркия Республикасының Президенті Режеп Тайып Ердоғанмен телефон арқылы сөйлесті.

Сұхбат басында Түркия басшысы Өзбекстан басшысын туған күнімен құттықтап, оған зор денсаулық, бақыт пен табыс, ал Өзбекстан халқына бейбітшілік пен гүлдену тіледі.

Өзбекстан-Түркия жан-жақты стратегиялық серіктестік қарым-қатынастарын одан әрі нығайту, оның ішінде биылғы жылдың 5-6 маусымында Анкара қаласына жоғары деңгейдегі сапар барысында қол жеткізілген келісімдерді жүзеге асыру мәселелері талқыланды.