Түркия мен Сириядағы зілзала құрбандарының саны 21,6 мыңнан асты
Түркия мен Сириядағы күшті жер сілкінісінен қаза тапқандар саны 21 642-ге жетті.
Түркияның Төтенше жағдайлардың алдын алу және зардаптарын жою басқармасының мәліметі бойынша, жұма күні таңертеңгі жағдай бойынша қайтыс болғандар саны 18 342 адамға жетті. 74 мыңнан астамы зардап шеккен.
Сирия аумағында қаза тапқандар саны 3300-ге жетті.
Дүйсенбіге қараған түні күшті жер сілкінісі дүмпулері Түркияның бірнеше провинциясында, сондай-ақ көршілес Сирияда сезіліп айтарлықтай шығын әкелген.