Өзбекстанда «Түркі мемлекеттері халықаралық университетін құру туралы» Президент қаулысы қабылданды.

Осы қаулыға сәйкес, Ташкент қаласында Түркі мемлекеттері халықаралық университеті ашылады.

Университеттің негізгі бағыттары ретінде:

— инженерлік, құрылыс, логистика, ақпараттық технологиялар мен бағдарламалау, денсаулық сақтау, ауыл шаруашылығы, тамақ өнеркәсібі, сондай-ақ экономика мен әлеуметтік сала үшін халықаралық стандарттарға сай жоғары білімді кадрлар даярлау;

— оқу бағдарламаларын шетелдік, оның ішінде Түркияның жетекші жоғары оқу орындарымен ынтымақтастықта, сондай-ақ бірлескен білім беру бағдарламалары негізінде жүзеге асыру және ғылыми-зерттеу жұмыстарын жүргізу.

Университет жеке меншік жоғары оқу орны болып табылады және өз қызметін Өзбекстанның білім саласындағы заңнамалық құжаттарына сәйкес жүзеге асырады.

2025/2026 оқу жылынан бастап университетте білім беру процесі халықаралық деңгейде мойындалған ұйымдардың рейтингінде бірінші 1000-дыққа кіретін, сондай-ақ өз саласында жетекші саналатын Түркия Республикасының жоғары оқу орындарының оқу бағдарламалары негізінде ұйымдастырылады.

Университетте студенттерді оқыту төлем-келісім шарт негізінде жүзеге асырылады, ал қабылдау талаптары мен төлем-келісім шарт мөлшері университет тарапынан белгіленеді.

Университет қызметін ұйымдастыру және үйлестіру үшін басқару кеңесі құрылатын болады.