Буюк Британия ташқи ишлар вазири Лиз Трасснинг баёнот беришича, агар бош вазир этиб сайланса Тайванга сафар қилмайди.

Яқиндагина АҚШ конгресси вакиллар палатаси спикери Нэнси Пелоси Тайванга ташриф буюриб, АҚШ ва Хитой ўртасидаги муносабатларни кескинлашиб кетишига сабаб бўлганди. ХХР раиси Си Цзиньпин АҚШни "ўт билан ўйнашаётганликда ва ўзи куйиб қолиши мумкинлиги" ҳақида огоҳлантирди. АҚШ маъмурияти эса, Пекинга “янги Хитой” сиёсатидан қайтмаслигини маълум қилиб, Пелосининг ташрифидан ўзини четга олди ва спикер қарорни ўзи қабул қилади, деб изоҳ берди.

Буюк Британияда 20 июль куни Консерватив партиясидан кўрсатилган парламент аъзоларининг партия етакчисини сайлаш бўйича овоз беришнинг бешинчи давраси бўлиб ўтди. Партия етакчиси ўз-ўзидан мамлакат бош вазир лавозимини ҳам эгаллайди. Овоз бериш натижаларига кўра, сайлов пойгаси финалига ташқи ишлар вазири Лиз Трасс ва собиқ молия вазири Риши Сунак чиқди.