Poytaxt hokimligida Jahon bankining Yevropa va Markaziy Osiyodagi transport amaliyoti rahbari Shomik Raj Mendiratta va “Toshkent Invest kompaniyasi” AJ boshqaruvi raisi Bahrom Shokirov o‘rtasida uchrashuv bo‘lib o‘tdi.

Uchrashuv davomida tomonlar Toshkent shahrida Jahon banki ko‘magida amalga oshirilayotgan dasturlar, transport sohasidagi o‘zaro hamkorlikning yangi yo‘nalishlari, jumladan, ichki va mintaqaviy transport aloqalarini yaxshilash hamda transport sohasini xususiy moliyalashtirish masalalarini muhokama qildi.   

Shuningdek, yangi yo‘llarni qurish loyihalari uchun investitsiyalarni jalb qilishda Jahon bankining ko‘magini muvofiqlashtirish va jamoat transporti hamda yo‘l harakati xavfsizligini ta’minlash bo‘yicha hamkorlik masalalarida ham kelishuvlarga erishildi.   

Gulnoza Boboyeva, O‘zA