Өзбекстан тұтынушылар құқықтарын қорғау қоғамдары федерациясының бастамасымен 20-21 қараша күндері Самарқанд қаласында сала бойынша халықаралық Консультация жиналысы өтті.

Іс-шараға ТМД және ШЫҰ елдерінің тұтынушылар құқықтарын қорғаумен айналысатын ұйымдарының өкілдері қатысты.

Айтулы шарада ТМД жанындағы «Тұран» тұтынушылар қоғамдық ұйымдарының халықаралық ассоциациясын құру ұсынысы алға тартылып, қатысушылар тарапынан бірауыздан қолдау тапты.

Жаңа ассоциацияның құрылуы тұтынушылар құқықтарын қорғау саласындағы жұмыстарда үйлесімділікті қамтамасыз етумен қатар, мүше мемлекеттер арасындағы сенім, достық және тату көршілік қатынастарды нығайтуға қызмет етеді. Сонымен қатар, сауда мен инвестициялар үшін қолайлы жағдайлар жасау, заң үстемдігін қамтамасыз ету, тиімді басқару және адам құқықтарын қорғау жөніндегі ақпарат алмасу сияқты мәселелерде де маңызды рөл атқарады.

ӨзА