АҚШ вице-президенти Жей Ди Венс президентликка навбатдаги номзод бўлиши мумкин, деди Қўшма Штатлар Давлат котиби Марко Рубио.

Рубионинг сўзларига кўра, у Венс билан яхши муносабатларга эга ва бу ҳолат уларнинг келажакда самарали ҳамкорлик қилишларига муҳим омил бўлади.

– Ажойиб жамоамиз бор ва барчамиз президент учун ишлаяпмиз, - дея таъкидлади Рубио.

Жорий йил май ойи охирида нуфузли “The Hill” нашри Трампнинг вориси бўлиши мумкин бўлган етти нафар номзод рўйхатини эълон қилганди. Ушбу рўйхатга Трампнинг тўнғич ўғли кичик Дональд Трамп ҳам киритилган. 

Аввалроқ, АҚШ етакчиси Трамп “NBC”  телеканалига берган интервьюсида учинчи муддатга сайланишни режалаштираётгани ҳақидаги хабарларни рад этиб, президентлик муддати тугагач, Оқ уйни тарк этишини маълум қилганди.

С.Раҳимов, ЎзА