АҚШ президенти Дональд Трамп маъмурияти томонидан таклиф қилинган Украинада низони тугатиш бўйича режаси 28 банддан 19 бандгача қисқартирилди. Мазкур ўзгартириш Женевадаги музокаралардан сўнг амалга ошгани айтилмоқда.

Бироқ қайси бандлар режадан чиқарилганига аниқлик киритилмаган. Таъкидланишича,  бандлар сони ҳали якуний келишилмаган. Режанинг асосини ҳамон АҚШ томонидан киритилган дастлабки таклиф ташкил этиши маълум қилинади. 

Европа томонидан киритилган таклифлар гарчи фойдали деб талқин қилинса-да, АҚШ ўзининг дастлабки берган ҳужжатига эътибор қаратишда давом этмоқда, дея ёзмоқда “The Washington Post” нашри. 

Женевада АҚШ билан музокаралар чоғида Украина вакили Рустем Умеров Трампнинг дастлабки режаси қайта таҳрир қилинганини билдирди. Лекин қандай ўзгаришлар киритилганига очиқлик киритилмаган. 

Украина президенти идораси маслаҳатчиси Александр Бевз “Facebook”да ёзишича, 28 банддан иборат режа энди аввалги кўринишда эмас, баъзи бандлар олиб ташланган, баъзилари эса ўзгартирилган. 

Германия канцлери Фридрих Мерц Украина бўйича ўз ташаббусини илгари суриб, 28 бандлик режани битта бандгача қисқартиришни таклиф қилган. У “DW”га берган интервьюсида режа матнидаги “Россиянинг музлатилган активлари Украинага инвестиция қилинади ва ушбу инвестициялардан олинган фойданинг ярми АҚШга тегишли бўлади” деган бандидан норозилигини билдирди. Канцлер буни “тасаввур қилиб бўлмайдиган ҳолат” деб атаган.

<iframe width="560" height="315" src="https://www.youtube.com/embed/EDtZONZaFxA?si=PQvu6C3gQK5MkA7R" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

К.Бекжонов, ЎзА