“Reuters” агентлиги хабар беришича, АҚШ Президенти Дональд Трамп ташаббуси билан тузилган Ғазо тинчлик режасини амалга ошириш бўйича музокара Яқин Шарқда кучайиб бораётган можаро туфайли тўхтатилди.

АҚШ ва Исроилнинг 28 февралда бошланган Эронга қарши уруши таъсирида Фаластиннинг нотинч сектори билан боғлиқ қуролсизланиш жараёни ва ҲАМАС билан мулоқотни тўхтатди. Аслида Трампнинг Ғазодаги урушни тугатиш ташаббуси муҳим эди.

- Минтақадаги вазият ортидан баъзи сафарлар бекор қилинганига қарамай, музокара давом этяпти, - деди Трамп ва тинчлик миссияси ўз кучида эканини қўшимча қилди. Афсуски, манбалар таъкидлашича, кечикиш ҲАМАСни афв эвазига қисман қуролсизлантиришни кўзда тутган асосий тинчлик режасига путур етказиши мумкин. Бундан ташқари Эрон билан уруш тинчлик саъй-ҳаракатига таҳдидни ҳам кучайтирди.

- Фақат Трамп маъмуриятининг доимий эътиборигина мазкур режа муваффақиятини таъминлаши мумкин, - деган фикрда мутахассислар.

С.Раҳимов, ЎзА