Айрим хорижий оммавий ахборот воситалари хабарига кўра, Россиянинг Украинага сўнги йирик ҳужуми ортидан 35 киши ҳалок бўлиб, 117 киши яраланган. Мазкур воқеа ортидан Дональд Трамп Владимир Зеленский ва Владимир Путинни танқид остига олди. Бу ҳақда BBC маълум қилди.

АҚШ етакчиси айтишича, Украина ва РФ раҳбари “минглаб одам ҳалок бўлаётган” мазкур урушда тенгма-тенг айбдор.

У аввалроқ Россиянинг ҳужуми хато бўлганини айтганди.

– Уч киши туфайли шунча қурбон, – деди Трамп. – Аввало Путин, қолаверса нима қилаётганини билмайдиган Байден ва Зеленский.

Зеленскийнинг малакасига шубҳа қиларкан, Дональд Украина етакчиси “фақат ракета сотиб олиш билан бандлиги”ни таъкидлаган.

– Ушбу можаро илдизи ўн йилдан кўп ортга, яъни 2014 йилга – Украинанинг россияпараст Президенти ҳокимиятдан ағдарилган даврга бориб тақалади, – дея хулоса қилган Трамп. – Кейин Россия Қримни аннекция қилиб, мамлакат шарқидаги қонли жангда исёнчиларни қўллаб-қувватлади.

Мусулмон Зиё, ЎзА