АҚШ президенти “Мар-а-Лаго” қароргоҳида иккита янги тоифадаги ҳарбий кема қурилишини эълон қилди, деб хабар бермоқда “BBC” нашри.

– Янги кемалар мамлакатимиз тарихидаги энг йирик жанговар кемалар бўлади, - деди Трамп. – Улар лазерлар ва гипертовушли ракеталар билан қуроллантирилади.

Манбанинг ёзишича, дастлаб фақат иккита шундай кема ишлаб чиқарилади, кейинроқ ундан ҳам кўпроқ бўлади. Кемаларнинг янги синфи “Трамп” деб номланади.

Мазкур кемалар мавжуд Америка крейсерларидан анча катта, 1990 йилларда фойдаланишдан чиқарилган “Аёва” синфидаги жанговар кемалардан бироз кичикроқ бўлади. Уларнинг тахминий сиғими 40 минг тонна бўлиши кутилмоқда. 

Аввалроқ, Франция етакчиси Эммануэль Макрон эскирган “Sharl de Goll” кемасини алмаштириш учун янги авиаташувчи кема яратиш режасини эълон қилганди.

Г.Сатторова, ЎзА