АҚШ Президенти Дональд Трамп 1 миллион доллар тўлашга тайёр хорижликлар учун тезкор расмийлаштириладиган янги виза тоифасини яратиш тўғрисидаги фармонни имзолади.

Оқ уй штаби котиби Уилл Шарф маросим чоғида тушунтиришича, бундай буюртма “Олтин карта” деб номланади ва мамлакат ғазначилигини бойитадиган “фавқулодда қобилиятга эга” чет элликларга мўлжалланган. Ҳужжат компанияларга 2 миллион доллар тўлов эвазига хорижликлар кириши учун ҳомийлик қилиш имконини ҳам беради.

Шунингдек, Трамп юқори малакали мутахассислар учун “H-1B” иш визаси бадалини 100 минг долларгача оширди.

Демак, 2025 йил 21 сентябрдан бошлаб, агар 100 000 доллар тўланмаса, бундай виза учун бир йиллик чеклов қўйилади.

Дарвоқе, ходимлар ушбу турдаги виза учун лотерея натижаси  якунлангандан кейин чекловни давом эттириш ёки олиб ташлаш мақсадга мувофиқлиги ҳақида Трампга ҳисобот беришлари керак.

С.Раҳимов, ЎзА