Оқ уй раҳбари Дональд Трамп ўзи жорий қилган савдо тарифларидан мамлакат бюджетига тушган умумий даромад тахминан 650 миллиард долларни ташкил этганини таъкидлади.

Қизиқ жиҳати, Трампнинг ушбу баёноти Қўшма Штатлар Олий судининг президент томонидан жорий этилган импорт тарифларининг қонунийлиги бўйича қарори кутилаётган бир пайтда пайдо бўлди. 

Таъкидланишича, ўлка Олий суди Трампнинг ушбу қонунни ўнлаб мамлакатларга таъсир қилувчи тариф сиёсати асоси сифатида ишлатиш ҳуқуқига эга бўлган-бўлмаганлигини аниқлайди. Агар Олий суд АҚШ етакчиси ушбу тартибларни четлаб ўтган деб топса, маъмурият импортчилар томонидан тўланган божларни қайтаришга мажбур бўлади.

С.Раҳимов, ЎзА