Оқ уй матбуот котиби Кэролайн Ливиттнинг маълум қилишича, АҚШ президенти Дональд Трамп Россия – Украина можаросидан “чарчаганини” ва урушнинг тезроқ тугашини истаётганини маълум қилди. Унинг айтишича, президент “самарасиз учрашувлардан чарчаган”, энди суҳбат эмас, амалий натижа кутмоқда. Бу ҳақда Евроньюс хабар берди.

Оқ уй матбуот котиби сўнгги пайтларда АҚШ маъмурияти россияликлар, украинлар ва европаликлар билан 30 соатдан ортиқ музокаралар ўтказганини таъкидлади. 13 декабрь куни ҳам Парижда Европа ва Украина вакилларининг учрашуви кутилаяпти. Аммо, бунда АҚШ расмийлари иштирок этиши номаълум.  

- Агар ҳақиқий тинчлик келишуви имзоланишига умид бўлсагина биз вакилларимизни юборишимиз мумкин, - деган Трамп маъмурияти.  

Германия канцлери Фридрих Мерц АҚШ президентига Украина қайси шартларга рози бўлиши мумкинлиги ҳақидаги таклифларни етказган.  

Зеленскийнинг таъкидлашича, ҳудудга оид ҳар қандай муаммо фақат  Украина халқининг қарори билан ҳал қилиниши керак.  

АҚШ ва Европанинг бу масалада фаоллашуви урушни тугатиш бўйича янги имконият пайдо бўлаётганини англатади. Бироқ таклиф қилинган шартлар ҳар иккала томон учун ҳам оғир ва баҳсли. Шу боис мутахассислар урушнинг тез орада барҳам топишига ишонишмаяпти.

<iframe width="650" height="420" src="https://www.youtube.com/embed/bUco5xY_p7k" title="TrampRossiya - Ukraina urushini to‘xtata oladimi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА