Трамп пайшанба ёки жума куни ўзини ҳукуматга топшириши керак
АҚШ собиқ Президенти Дональд Трамп пайшанба ёки жума куни ўзини Жоржия ҳукуматига топшириши керак. Штатда унга қарши жиноий айблов илгари сурилган, дея хабар тарқатди “CNN” телекомпанияси.
Трампнинг Фултон округи қамоқхонасига келиши мажбурий, жума охирги муддат этиб белгиланган. У билан бирга яна 18 кишига 2020 йил Жоржияда сайловни ўз фойдасига ҳал қилиш учун мансабдорларга босим ўтказгани айби қўйилмоқда.
CNN маълумотига кўра, ҳозирча Трампнинг шерикларидан ҳеч бири қамоқхонада рўйхатга олинмаган. Аввалги уч ҳолатда ҳам Трамп, гарчи, расман “қамоққа” олинган бўлса-да, ўзини ҳукуматга топширмаган.
ЎзА