“Politico” нашрининг ёзишича, АҚШ президенти Дональд Трамп 2020 йилги президентлик сайловидаги мағлубиятини рад этишда ёрдам берган сафдошларини афв этган.

Афв этилганлар орасида Трампнинг адвокати Руди Жулиани ва собиқ маъмурият раҳбари Марк Медоуз бор, улар ҳал қилувчи штатларда Жо Байденнинг ғалабасини шубҳа остига олишга уринган эди.

Шунингдек, адвокатлар Жон Истман ва Кеннет Чесебро ҳам афв этилди, улар ўша пайтдаги вице-президент Майк Пенсни сенат раиси сифатида сайлов натижаларини тасдиқламасликка ундаш стратегиясини ишлаб чиқишда ёрдам берган.

“BBC” маълум қилишича, бу шахсларнинг бирортасига федерал жиноятлар бўйича айблов қўйилмаган эди. Шунга қарамай, афв уларнинг келажакда жиноий жавобгарликка тортилиш эҳтимолини бутунлай бартараф этади.

Б.Худойбердиев, ЎзА