Trump Organization компаниясы Trump Mobile атты жаңа байланыс желісін іске қосатынын және «нәзік алтын қаптамадағы» T1 смартфонын шығаратынын мәлімдеді.

The Verge басылымының хабарлауынша, Trump Mobile айына 47,45 доллар көлемінде шексіз тариф ұсынады. Ал T1 смартфонының бағасы — 499 доллар. Құрылғы АҚШ аумағында құрастырылып, биыл сатылымға шығарылады.

«Trump Mobile ұялы телефондар мен мобильді байланыс саласында нағыз төңкеріс жасауды көздейді», — деді АҚШ президентінің ортаншы ұлы және Trump Organization вице-президенті Эрик Трамп.

Алайда The Verge басылымының жазуынша, Trump Mobile-дың тарифтік жоспары басқа операторлармен салыстырғанда қымбатырақ, ал T1 смартфонының техникалық сипаттамалары аса әсерлі емес.