АҚШ президенти Дональд Трамп Оқ уйда 11 февраль куни Исроил бош вазири Биньямин Нетаньяҳу билан учрашди, деб хабар берди Euronews.

Трампнинг айтишича, у Нетаньяҳудан Эрон билан музокараларни давом эттиришни талаб қилган.  

“Учрашув жуда яхши ўтди. Ҳозирча аниқ келишувга эришилмади, аммо мен Эрон билан музокараларни давом эттиришни талаб қилдим”, - деди Трамп.  

У эҳтимолий келишувни “энг мақбул йўл” деб атаган. Шунингдек, у Нетаньяҳу билан Ғазо ва умуман минтақадаги масалаларни  муҳокама қилганини айтди.  

Оқ уйда ёпиқ эшиклар ортида ўтган учрашув уч соат давом этган. Трамп ва Нетаньяҳу журналистлар саволларига жавоб беришмаган.

Нетаньяҳу идораси баёнотида айтилишича, бош вазир Трамп билан Эрон бўйича музокара ўтказган, шунингдек Ғазо ва минтақадаги вазиятни муҳокама қилишган.

<iframe width="650" height="420" src="https://www.youtube.com/embed/6R0en49kk8U" title="Tramp Netanyaxu bilan Eron masalasini muhokama qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>          

Кенжа Бекжонов, Анвархўжа Аҳмедов, ЎзА