АҚШ Президенти россиялик ҳамкасби билан муносабати юзасидан фикр билдирди. У Владимир Путиндан ҳафсаласи пир бўлгани, бироқ ҳамкорлик якунланмаганини айтди.

BBC мухбирининг “Путинга ишонасизми?” деган саволига у “Мен, деярли, ҳеч кимга ишонмайман”, мазмунида жавоб берди.

Қўшма Штатлар етакчиси Украинага қурол етказиш режаси ва Россияга қарши янги санкция ҳақида гапиргандан сўнг Путин билан бир неча бор сулҳга яқинлашгани, аммо ҳар сафар Москва Киевга ҳужумни давом эттирганини таъкидлади.

– Ҳаммаси яхши кетаётгандек туюлади, кейин РФ Киевда яна бир бинони портлатади, — деган Трамп.

Америка раҳбарининг НАТОга муносабати ҳам  ўзгарган. Яъни, илгари "эскирган" дея ҳисобланган Альянс ҳозир "мустаҳкам ва ўз харажатини қоплаётган ташкилот" деб баҳолайди ва мудофаа харажатини ЯИМнинг 5 фоизигача ошириш қарорига яна бир бор урғу берди.

Ички сиёсатда эса Трамп ноқонуний миграцияга қарши курашиш, жиноятчиларни тезкор депортация қилиш каби масалаларни Олий суд орқали тасдиқлаганини маълум қилди.

Савдо уруши асосчиси янги солиқ ислоҳотини “энг катта имтиёз” сифатида кўрсатиб, “Американи қутқаргани”ни даъво қилмоқда.  

Мусулмон Зиё, ЎзА