АҚШ президенти Дональд Трамп “Fox News” телеканалига берган интервьюсида Вашингтон Мексикадаги гиёҳванд моддалар картелларига қарши қуруқлик орқали ҳужумларни бошлашни режалаштираётганини айтди.

Унинг таъкидлашича, Мексикани жиноий гуруҳлар назорат қилади ва “АҚШда ҳар йили гиёҳванд моддалардан ўлим сони 300 минггача” етмоқда.

Венесуэладаги вазиятга келсак, Трамп АҚШ мамлакатнинг янги ҳукуматидан “керакли ҳамма нарсани” олаётганини ва нефть савдосидан триллионлаб доллар даромад кўришни кутаётганини таъкидлади. Шунингдек, у келаси ҳафта музокаралар учун Венесуэла мухолифати етакчиси Мачадонинг АҚШга ташриф буюришини эълон қилди.

Оқ уй раҳбари шунингдек, РФга қарши янги санкцияларни жорий этиш тўғрисидаги қонун лойиҳасини қўллаб-қувватлашини яна бир бор таъкидлади.

С.Раҳимов, ЎзА