Трамп маъмурияти, сўнгги кунларда Европа Иттифоқига нисбатан кескин танқидлар ва сиёсий босимни кучайтирди. Бу танқидлар асосан, миграция, савдо масалалари, рақамли қоидалар ва хавфсизлик каби соҳаларни қамраб олди.

Энг жиддий масалалардан бири бўлган Украина борасида ҳам фикрлар бир жойдан чиқмаяпти. Бундан ташқари Илон Маскнинг Европа қоидаларига қарши чиқиши ва Трампнинг уни қўллаб-қувватлаши муносабатларни янада таранглаштирди, деб хабар берди Evronews.

Европа дипломатлари эса бу танқидларни ЕИнинг ички ишларига аралашиш деб баҳоламоқда. Шу билан бирга, норози томонга ЕИ мустақил қоидалар белгилаш ҳуқуқига эга иттифоқ эканлиги эслатилган.  

Қисқа қилиб айтганда, икки томон ўртасидаги қарашлар турлича тус олиб, фарқлар тобора чуқурлашаяпти. ЕИ кўптомонлама ёндашувни, халқаро ҳуқуқни ва қоидаларга асосланган савдони қўллаб-қувватласа, Трамп маъмурияти эса АҚШ манфаатларини биринчи ўринга қўювчи глобал тизимни қайта қуришни мақсад қилмоқда.  

Бунга Европа етакчиларининг муносабатлариҳам бир хил эмас, айримлари АҚШни Европанинг ички ишларига аралашди, деб танқид қилса, баъзилари тарангликни юмшатиш ва Вашингтон билан муносабатларни сақлашни афзал кўрмоқда. Мутахассислар бу ҳолатни ЕИнинг ягона жавоб стратегияси йўқлигини кўрсатади, деб баҳолаяпти.  

Шунингдек, америкаликлар билан ғоявий яқинликка эга бўлган Европадаги баъзи кучлар Вашингтонни очиқ танқид қилишдан қочиб Трамп сиёсатини маълум даражада қўллаб-қувватламоқда.  

Шундай бўлсада, Европа ўзининг геосиёсий роли, хавфсизлик ва иқтисодий манфаатлари бўйича кўпроқ мустақилликка интилаяпти, дейиш мумкин. Чунки, ЕИ етакчилари ҳам Европанинг ўз стратегиясини ишлаб чиқишга ва Вашингтондан ташқарида ҳам фаол сиёсий позицияга эга бўлишга ҳаракат қилмоқда.  

<iframe width="640" height="420" src="https://www.youtube.com/embed/tFcGov7yspk" title="Tramp ma’muriyati nega YEIdan norozi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>  

Кенжа Бекжонов, Улуғбек Тўхтаев (видео), ЎзА