Reuters агентлигининг хабарига кўра, Президент Дональд Трамп Венесуэла мухолифати етакчиси Мария Мачадони мамлакат сиёсий ҳаётига қандайдир шаклда жалб этиш имкониятини кўриб чиқмоқда. Бироқ унга қандай лавозим бериши ҳақида очиқламаган.

«Биз у билан мулоқот қилаяпмиз ва эҳтимол, уни қандайдир тарзда жараёнга жалб қила олармиз. Мен буни жуда истайман», - деди Трамп Оқ уйда журналистлар билан суҳбатда. Мачадо ўтган ҳафта Трамп билан учрашган ва унга Нобель тинчлик мукофотини тақдим этган эди.  

Трампнинг бу баёнотлари унинг позицияси ўзгарганини кўрсатади. Илгарироқ у Мачадонинг Венесуэлага раҳбарлик қилиш қобилиятига шубҳа билан қараган эди. 2024 йилда Мачадо партияси президентлик сайловларида 70 фоиз овоз олганини маълум қилар экан, «Мен Венесуэлани олдинлари жуда ёмон кўрар эдим, ҳозир эса ундай эмас. Улар биз билан жуда яхши ҳамкорлик қиляпти», - деди Трамп журналистларга. У бу сўзлари билан Оқ уй ва Венесуэланинг вақтинчалик президенти Делси Родригес билан ҳамкорлигини назарда тутган.   

<iframe width="650" height="420" src="https://www.youtube.com/embed/_So8mSrN-xo" title="Tramp Machadoni siyosatga jalb etishni o‘ylamoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Искандар Исматов, ЎзА