АҚШ президенти Дональд Трамп агар Канада Хитой билан савдо келишувини амалга оширса, Канада маҳсулотларига 100 фоизлик бож қўйишини маълум қилди. У Канада бош вазири Марк Карнини бу каби келишув мамлакат хавфсизлигига таҳдид солиши мумкинлиги ҳақида огоҳлантирди, деб хабар берди Reuters агентлиги.

Трампнинг айтишича, агар Канада Хитой билан битим тузса, АҚШга кириб келадиган барча Канада товарларига дарҳол 100 фоизлик бож жорий этилади.

Шанба куни эълон қилинган видеомурожаатда Марк Карни канадаликларни маҳаллий маҳсулотларни сотиб олишга чақирган, аммо Трампнинг бож ҳақидаги таҳдидларини тилга олмаган.

Бу ойда Канада бош вазири Хитойга сафар қилиб, икки давлат ўртасидаги совуқ муносабатларни юмшатишга ҳаракат қилди ва келишувга эришди.

Қизиғи шундаки, Хитой сафари ортидан Трамп Марк Карнини қўллаб-қувватлаган эди. Карни Трампнинг Гренландияни эгаллаш ҳақидаги ҳаракатларини танқид қилганидан кейин АҚШ ва Канада ўртасидаги кескинлик кучайди. Агар Трамп таҳдидини амалга оширса, бу АҚШнинг Канададан келадиган товарларга қўядиган божларини кескин оширади ва металлургия, автомобилсозлик ва машинасозлик каби соҳаларга жиддий таъсир қилади.

<iframe width="650" height="420" src="https://www.youtube.com/embed/2_I820c8Smw" title="Tramp Kanadaga 100 foizlik boj joriy etish bilan tahdid qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА