AQSH prezidenti Donald Tramp federal hukumat faoliyatini moliyalashtirish uchun taxminan 1,2 trillion dollarlik qonun loyihasini imzoladi. Ma’lum qilinishicha, loyiha Qo‘shma Shtatlar Vakillar palatasida 217 ovoz bilan ma’qullangan. Tramp ushbu hujjatni “Amerika xalqi uchun katta g‘alaba” deb baholadi.

Ushbu ovoz berish Kongressning hukumat idoralari va dasturlarini 30 sentyabrga qadar moliyalashtirishni nazarda tutuvchi 11 ta yillik byudjet hujjati bo‘yicha ishini yakunladi. Byudjet hujjati davlatning barcha faoliyatlari, xususan, armiya, ta’lim, tibbiyot, infrastruktura va ijtimoiy dasturlar uchun mablag‘ni belgilovchi asosiy hujjat hisoblanadi.

Ekspertlar fikricha, Trampning imzolagan qonuni federal hukumatning qisman ishini tiklagan va mamlakatdagi ayrim asosiy xizmatlarni qayta faollashtirdi. Biroq qonun ayrim idoralar uchun qisqa muddatli moliyalashtirishni nazarda tutganligi sababli yangi siyosiy bahslarga yo‘l ochdi. Bu esa AQSHda demokratik tartibda kelishuvlar zarurligini ko‘rsatmoqda. 

F.Yaxshiboyeva, O‘zA