АҚШ президенти Дональд Трамп федерал ҳукумат фаолиятини молиялаштириш учун тахминан 1,2 триллион долларлик қонун лойиҳасини имзолади. Маълум қилинишича, лойиҳа Қўшма Штатлар Вакиллар палатасида 217 овоз билан маъқулланган. Трамп ушбу ҳужжатни “Америка халқи учун катта ғалаба” деб баҳолади.

Ушбу овоз бериш Конгресснинг ҳукумат идоралари ва дастурларини 30 сентябрга қадар молиялаштиришни назарда тутувчи 11 та йиллик бюджет ҳужжати бўйича ишини якунлади. Бюджет ҳужжати давлатнинг барча фаолиятлари, хусусан, армия, таълим, тиббиёт, инфраструктура ва ижтимоий дастурлар учун маблағни белгиловчи асосий ҳужжат ҳисобланади.

Экспертлар фикрича, Трампнинг имзолаган қонуни федерал ҳукуматнинг қисман ишини тиклаган ва мамлакатдаги айрим асосий хизматларни қайта фаоллаштирди. Бироқ қонун айрим идоралар учун қисқа муддатли молиялаштиришни назарда тутганлиги сабабли янги сиёсий баҳсларга йўл очди. Бу эса АҚШда демократик тартибда келишувлар зарурлигини кўрсатмоқда. 

Ф.Яхшибоева, ЎзА