АҚШ президенти Дональд Трамп Қўшма Штатлар Гренландияни “албатта сотиб олиши” кераклигини ва оролни миллий хавфсизлик учун жуда муҳим деб атади. У Вашингтоннинг манфаатлари минерал ресурслар билан эмас, балки Арктикада Россия ва Хитойнинг тобора ортиб бораётган иштироки билан боғлиқлигини таъкидлади.

Бу баёнот Луизиана губернатори Жефф Лэндри АҚШнинг Гренландия бўйича махсус элчиси этиб тайинланганидан кейин янгради. 

Дания ва Гренландия бу баёнотларни қатъиян рад этган. Бош вазирлар Фредериксен ва Нилсен орол ўз аҳолисига тегишли эканлигини маълум қилди. Дания АҚШ элчисини чақириб, ҳудудий яхлитликни ҳурмат қилиш зарурлигини эслатди. Европа етакчилари ҳам Копенгагенни қўллаб-қувватлашларини билдирган.

С.Раҳимов, ЎзА